ЖССТ раҳбари карантинга кетди

Жаҳон соғлиқни сақлаш ташкилоти бош директори Тедрос Адханом Гебрейесус коронавирусга чалинган одам билан алоқада бўлгани маълум бўлгандан кейин карантинга кетди. 

“Аниқланишича, мен коронавирусга таҳлили мусбат чиққан одам билан алоқада бўлганман. Ўзимни яхши ҳис қилмоқдаман, менда ҳеч қандай симптомлар йўқ. Бироқ ЖССТ баённомаларига мувофиқ, бир неча кун ўзимни яккалайман ва уйдан ишлайман”, деб ёзган ЖССТ раҳбари твиттерда.

Гебрейесуснинг таъкидлашича, барча одамлар соғлиқни сақлаш бўйича тавсияларга амал қилиши муҳимдир.

“Айнан шу йўл билан коронавирус тарқалиши занжирини уза оламиз, вирусни енгамиз ва соғлиқни сақлаш тизимини ҳимоя қиламиз”, деб айтган ЖССТ раҳбари.