Air Arabia 4 ноябрь куни Шаржадан Тошкентга биринчи мунтазам рейсни амалга оширади

Бирлашган Араб Амирликларининг Air Arabia лоукостери 4 ноябрь куни Шаржадан Тошкентга биринчи мунтазам рейсни амалга оширади.

Фото: LiveJournal

«Биринчи рейс 2020 йилнинг 4 ноябрида амалга оширилади. И.Каримов номидаги Тошкент халқаро аэропортига қўнишнинг тахминий вақти – 15:00», - дейилади Туризм қўмитаси хабарида.

Air Arabia сайтида хабар қилинишича, кейинчалик рейслар чоршанба ва шанба кунлари амалга оширилади. Чипта нархи - 200 АҚШ долларидан 246 АҚШ долларигача.

Авиакомпания Ўзбекистонга парвозларни Airbus-320-214 ҳаво кемаларида амалга оширишини маълум қилди.

Air Arabia Шаржа ва Искандария аэропортларидан, шунингдек Марокашдаги тўртта аэропортдан Яқин Шарқ, Жануби-Шарқий Осиё, Европа ва МДҲга йўловчилар ташиш билан шуғулланувчи, бош қароргоҳи Шаржада жойлашган авиакомпаниядир.