Шанҳайдаги “Пудун” аэропортининг барча ходимлари ва ташрифчилардан коронавирусга таҳлил олинади. Натижалар чиқмагунча ҳеч ким аэропорт биносини тарк эта олмайди.
“Ерости автотураргоҳида таҳлил олиш пункти ташкил этилди. Бу ерда аэропортдаги барча одамлар ПЦР-тестлар топширмоқда. Намуналар олиниши тун бўйи давом этди”, деб маълум қилинган хабарда.
20 ноябрда аэропортнинг юк терминали ходимларидан бирида коронавирус аниқлангандан кейин оммавий текширув ўтказишга қарор қилинган. 2 кундан кейин унинг рафиқаси ва у билан алоқада бўлган ҳамкасби бетоб бўлиб қолган. Эркак охирги 14 кун ичида бир нечта жамоат жойларига ташриф буюрган ва у бўлган барча жойларда дезинфекция ўтказилган. У билан алоқада бўлган 52 киши карантинга жўнатилган.
Аэропортнинг бошқа ходимларида коронавирус аниқлангани ҳақида маълумот берилмаган.
