2021 йил 1 январдан жамоат транспортида тўлов услуби ўзгариши мумкин

Фото: Тошшаҳартрансхизмат ахборот хизмати

2021 йил январ ойидан бошлаб Тошкент шаҳрида жамоат транспортларидан фойдаланганда нақд пул орқали тўлов қилиш тизимини бекор қилиш режалаштирилмоқда.

"Тошшаҳартрансхизмат" АЖ ахборот хизмати томонидан эълон қилинган маълумотда айтилишича, нақд пул ўрнини ягона транспорт картаси эгаллайди.

Шунингдек, қоғоз шаклидаги ойлик йўл чипталари ҳам бекор қилинади. Алоҳида имтиёзга эга шахслар, талабалар ва ўқувчилар учун худди шу кўринишдаги карталар жорий этилади.

Аввалроқ, Тошкентда йўловчилар энг кўп ва энг кам фойдаланган автобус йўналишлари айтилганди.