Қозоғистонда кўнгиллиларни коронавирусга қарши маҳаллий вакцина билан эмлаш бошланди
Декабр охирига қадар уч минг нафар кўнгилли QazCovid-in вакцинаси билан эмланади.
Қозоғистонда кўнгиллиларни коронавирусга қарши QazCovid-in маҳаллий вакцинаси билан эмлаш бошланди. Бу ҳақда мамлакат бош вазири матбуот хизмати хабар берди.
"Ҳозирга келиб биологик хавфсизлик муаммолари илмий-тадқиқот институтида QazCovid-in маҳаллий вакцинаси клиник синовларининг биринчи ва иккинчи босқичлари ўтказилди. Соғлиқни сақлаш вазирлиги уч минг нафар кўнгиллида клиник синовларнинг якуний, учинчи босқичини бошлашга рухсат берди. Бугун илмий-тадқиқот институти, Алмати ва Тараз шаҳарлари клиникаларида дастлабки кўнгиллилар эмланди", - дейилади хабарда.
Хабарда айтилишича, декабр охирига қадар уч минг нафар кўнгиллини эмлаш ишлари якунланади.
Аввалроқ Қозоғистонда Россия билан ҳамкорликда вакцина ишлаб чиқарувчи завод ишга тушиши ҳақида хабар берилганди.
Қозоғистон президенти Қосим-Жўмарт Тўқаевнинг сўзларига кўра, завод келаси ҳафтада ишга тушади.
Мавзуга оид
16:00 / 04.10.2024
Самарқандда Ўзбекистон ва Қозоғистон ҳудудлар раҳбарлари кенгаши учрашуви бўлиб ўтади
13:48 / 04.10.2024
Ўзбекистон ДХХ раиси Абдусалом Азизов Остонада МДҲ давлатларидаги ҳамкасблари билан учрашди
14:28 / 02.10.2024
Ислоҳотларни ҳаётга татбиқ этиш учун президентга 7 йил муддат етарли — Тўқаев
22:02 / 01.10.2024