Бугун кундуз куни Ўзбекистонда янада иссиқ бўлади. Бу ҳақда «Ўзгидромет» хабар қилмоқда.
Республикада ҳаво кам булутли бўлади. Шамол шарқдан 7-12 м/с тезликда эсади. Ҳарорат 19-24 даража иссиққача, жанубда 25-27 даража иссиққача кўтарилади.
Пойтахтда қуёшли бўлади. Шамол 3-8 м/с тезликда эсади. Ҳаво 20-22 даража иссиққача кўтарилади.
Тоғли ҳудудларда ёғингарчилик кутилмайди. Эрталаб туман тушиши мумкин. Қор кўчиши хавфи бор. Шамол 7-12 м/с тезликда эсади. Ҳарорат кундуз куни 7-12 даража илиқ бўлади.
