Қўшимча функционаллар
-
Тунги кўриниш
«Турон» бош мураббийи икки ўйинга четлатилди, клуб президенти жаримага тортилди
Ўзбекистон футбол ассоциацияси тартиб-интизом қўмитасининг навбатдаги йиғилиши бўлиб ўтди. Унга кўра, бир неча расмийларга нисбатан интизомий чоралар қўлланилди, дея хабар бермоқда ЎФА расмий сайти.
«Турон» клуби мураббийи Исломбек Исмоилов
«Ўзбекистон Суперлигаси 2-тури доирасида «Турон» клуби мураббийи Исломбек Исмоилов «Сўғдиёна» клубига қарши баҳсдан кейинги расмий флеш-интервью чоғида сўкинган ҳолда, этика нормаларини бузганлиги учун Тартиб-интизом қўмитаси унга нисбатан 2та ўйинга четлаштириш интизомий чорасини белгилади. «Турон» клуби президенти Aбдуваҳоб Aҳмадалиев «Сўғдиёна» клубига қарши баҳсдан кейинги флеш-интервью чоғида ўз фикрларини қўпол тарзда билдиргани учун Тартиб-интизом қўмитаси унга нисбатан жарима интизомий чорасини белгилади», - дейилади ЎФА хабарида.
Аввалроқ, Tribuna.uz сайти «Турон» бош мураббийи жазо чораси сифатида Суперлига доирасидаги икки учрашув – 3-турдаги «Локомотив» ва 4-турдаги «Насаф»га қарши ўйинда мураббийлар ўриндиғи эмас, трибунада ўтказиши ҳақида хабар берганди.
Эслатиб ўтамиз, 2019 йил 15 июл куни ЎФАнинг янги президенти этиб Давлат хавфсизлик хизмати раиси Абдусалом Азизов сайланганди.
Азизов бу лавозимга сайлангани муносабати билан ЎФА конференциясида сўзга чиқиб, ўзбек футболида тотализатор, келишилган ўйинлар каби тушунчаларни йўқотиш биринчи даражали вазифа бўлиши кераклигини айтганди.
Мавзуга оид
22:12 / 20.09.2023
Турон чўллари ЮНЕСКО Бутунжаҳон табиий мероси рўйхатига киритилди
16:59 / 25.11.2022
«Турон» Суперлигага йўлланма олди, «Локомотив» Про лигага равона бўлди
18:48 / 04.01.2022
«Таваккал қилдим ва панд едим» — Ўтган мавсумда шов-шув кўтарган Исломбек Исмоилов ўзбек футболидаги қинғирликлар ҳақида
10:45 / 14.05.2021