Тошкентда дам олиш кунлари жамоат транспорти ҳаракати қандай ташкил этилиши маълум қилинди

"Тошшаҳартрансхизмат" акциядорлик жамияти 2021 йил 20, 21, 22 март кунлари жамоат транспорти ҳаракати қандай ташкил этилиши тўғрисида маълумот берди.

Акциядорлик жамиятининг 2021 йил 19 мартдаги 43-сонли "Наврўз байрами тантаналарини нишонлаш кунларида автобус йўналишлари фаолиятини ташкил этиш тўғрисида"ги буйруғига асосан, Наврўз байрами нишонланиши муносабати билан 2021 йил 20, 21, 22 март кунлари жамоат транспортини қуйидагича ташкил этиш белгиланди:

2021 йил 20 март - дам олиш куни. Шанба кунлари учун тасдиқланган жадвал асосида;
2021 йил 21 март - дам олиш куни. Якшанба кунлари учун тасдиқланган жадваллар асосида. Иш вақтининг тугаши 1 (бир) соатга узайтирилади;
2021 йил 22 март - дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;
2021 йил 27 март - иш куни. Иш кунлари учун тасдиқланган жадваллар асосида ҳаракатни давом эттириши белгилаб қўйилди.