Бино қанчалик юқорига қараб кўтарилиб боргани сари, қурилиш босқичлари шунчалик қизиқарли тус олади. 2020 йил июнь ойида Nest One кўп функционал мажмуасининг асосий биноси – 51 қаватли турар жой мажмуасининг пойдеворига асос солинди ва бугунга келиб у қандай тарзда 18 та қаватга юқорига кўтарилганини кузатишингиз мумкин. Мамлакатдаги биринчи осмонўпар бино қурилиши ёнидан ўтиб кетаётганлар ва автомобилдаги йўловчилар – барчанинг нигоҳлари бинонинг энг баланд нуқтасига кўтарилганининг гувоҳи бўлишингиз мумкин, у ерда логотип ўрнатилган катта иншоотни кўрадилар
Барча босқичларда ишончлилик ва хавфсизлик ҳар қандай қурилиш сифатининг асосий мезонидир. Nest One мажмуасининг қурилиши бизнинг қурилиш бозоримизда шу пайтгача ўхшаши бўлмаган алоҳида эътибор ва энг юқори хавфсизлик стандартларини талаб этади.
Баландлик ошиб бориши билан шамол тезлиги ҳам ошиши ҳамма учун кундек равшан, чунки ҳаво ҳаракатланганда пастки қатламлар ер юзига етиб бориб секинлашади, баландликда эса, бу таъсир фаол равишда камаяди, бинобарин бу ҳаво оқими кучининг ошишига олиб келади. Шу билан бирга, доимий шамоллар ва бошқа об-ҳаво шароитлари қурилиш ишларини бажариш шартларига сезиларли даражада таъсир қилади.
Бунёд этилаётган бино баландлиги ва периметри бўйича ишлаётган одамларнинг хавфсизлигини таъминлаш қурилиш ишлари вақтида энг муҳим вазифалардан бири ҳисобланади. Шу сабабли, мамлакатдаги биринчи осмонўпар бино ҳозирда қурилаётган юқори қаватларнинг фасади бўйлаб шамолдан ҳимоя қилувчи махсус экранларни ўрнатган. Биринчи навбатда, шамолдан ҳимоя қилиш тизими ходимлар учун юқори даражадаги хавфсизликни таъминлайди, ишнинг фронт қисмини об-ҳавонинг ноқулай шароитларидан ҳимоя қилади, шу билан иш самарадорлигини оширади ва қурилиш-монтаж ишларининг беқиёс сифатини таъминлайди.
Nest One қурилишда 150 йиллик тажрибага эга бўлган Австриянинг Doka шамолдан ҳимоя қилиш тизимидан фойдаланади, бу узоқ вақт давомида ўзининг самарадорлигини йирик халқаро лойиҳаларда исботлаб келмоқда. Тизим 3,5 қаватнинг сиртини қоплашни ҳисобга олган ҳолда ишлаб чиқилган – бу тахминан 14 метрни ташкил этади ва 140 км/соатгача бўлган шамол оқимининг босимига бардош бера олиш қобилиятини англатади. Шамолдан ҳимояловчи экранлар қурилиш давом этиш жараёнида гидравлик қурилмалар ёки анъанавий минора крани ёрдамида кўтарилиб боради.
