Самарқандда танишининг суратларини тарқатиш билан қўрқитиб, пул талаб қилган шахсга жиноят иши қўзғатилди
Самарқанд шаҳрида танишининг суратларини интернетда тарқатиш билан қўрқитиб, ундан пул талаб қилган шахсга жиноят иши қўзғатилди. Бу ҳақда вилоят ИИБ ахборот хизмати хабар бермоқда.
Қайд этилишича, 2021 йил 2 апрель куни Самарқанд шаҳри бўйича ИИО ФМБга А. исмли шахс ариза билан мурожаат қилган. У ўз аризасида Самарқанд шаҳар Тараққиёт кўчасида яшовчи, 1993 йилда туғилган таниши Ф.В. унинг расмларини интернет тармоғи орқали тарқатиб шарманда қилиш билан қўрқитаётганини баён қилган.
У, Ф.Б. суратларни тарқатмаслиги эвазига ундан 400 АҚШ доллари миқдоридаги пулларни товламачилик йўли билан талаб қилиб келаётганини билдирган.
Аризага асосан, 2021 йил 2 апрель куни Самарқанд шаҳри бўйича ИИО ФМБ 2-сонли ИИБ ходимлари томонидан тезкор тадбир ўтказилиб, Ф.В. ариза муаллифидан 400 долларни олган вақтида ашёвий далиллар билан ушланган.
Таъкидланишича, ҳолат юзасидан жиноят кодексининг 165-моддаси (Товламачилик) 1-қисми жиноят иши қўзғатилган. Ҳозирда тергов ишлари олиб борилмоқда.
Мавзуга оид
22:40 / 26.09.2024
NYT: Ню Йорк мэрига нисбатан жиноий айблов эълон қилинди
10:35 / 13.07.2024
“Allianse Motors” мансабдорларига нисбатан жиноят иши қўзғатилди
15:25 / 07.07.2024
Навоийда вояга етмаган қизнинг зўрланиши ҳолати бўйича жиноят иши очилди – Бош прокуратура
10:57 / 29.06.2024