Honor янги Play 5T Life смартфонини тақдим этди

Смартфон 6 Гб тезкор ва 128 Гб доимий хотирага эга. У 27 апрелдан Хитойда сотувга чиқади.

Honor компанияси MediaTek Helio P35 платформасига қурилган янги Play 5T Life смартфонини тақдим этди.

Смартфон 27 апрелдан Хитойда сотувга чиқади. Унинг нархи 200 доллар атрофида.

Қурилма 8 ядроли ARM Cortex-A53 процессори ва IMG PowerVR GE8320 график процессори билан жиҳозланган. Смартфон 6 Гб тезкор ва 128 Гб доимий хотирага эга. Аккумулятор сиғими 5000 мА/с.

Смартфон 6,6 дюймли HD+ дисплей ва 8 мегапикселли олд, 13 мегапикселли орқа, 5 мегапикселли кенг бурчакли камера ва 2 мегапикселли макрообъективга эга. Бармоқ излари сканери смартфоннинг ўнг қиррасида жойлашган.