Самарқандда сохта ҳокимият вакили 6700 доллар эвазига ярим сотих ер олиб бермоқчи бўлди

Самарқанд вилояти Самарқанд туманида ярим сотих ерни 6700 АҚШ доллари эвазига олиб бермоқчи бўлган шахс ушланган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.

Маълум қилинишича, департаментнинг Самарқанд тумани бўлими томонидан ўтказилган терговга қадар текширувда, фуқаро Ш.С. «Х.» МЧЖ раҳбарига ўзини туман ҳокимлиги ходими сифатида таништириб, унга туман тиббиёт бирлашмаси ёнидан савдо дўкони қуриш учун ярим сотих ер майдони олиб беришни ваъда берган. Сўнг 6 700 доллар олиб, шундан 3 000 долларни ўз ихтиёри билан қайтаргани ҳолати процессуал расмийлаштирилган.

Қайд этилишича, мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.