27 июнь куни соат 14:37да Тошкент вилояти Фавқулодда вазиятлар бошқармасига Зангиота туманида жойлашган корхонанинг том қисмида ёнғин бўлаётгани тўғрисида хабар келиб тушган.
«Бугун, 27 июнь куни соат 14:37да Тошкент вилояти Фавқулодда вазиятлар бошқармасига Зангиота туманида жойлашган «КАСБИ ЁҒ» МЧЖга қарашли корхонанинг том қисмида ёнғин бўлаётганлиги тўғрисида хабар келиб тушган.
Шунга кўра, бошқарма ёнғин-қутқарув экипажлари соат 14:43да воқеа жойига етиб бориб, соат 15:28да ёнғин ўраб олинган ва соат 16:05да батамом ўчирилган.
Олиб борилган амалий ишлар натижасида корхонанинг асосий қисми ёнғиндан сақлаб қолинган», дейилади вазирлик хабарида.
Ҳодиса оқибатида жабрланганлар ва ҳалок бўлганлар йўқ. Ҳозирда ёнғин сабаби ва келтирилган зарар миқдори аниқланмоқда.
