Маълум қилинишича, чегара божхона постларида хизмат қилаётган божхоначилар маданий бойликларни ноқонуний йўллар билан олиб чиқиб кетиш билан боғлиқ уринишларга ўз вақтида чек қўйишмоқда.
Жумладан, Самарқанд халқаро аэропорти орқали хорижга йўл олган фуқаро К.Д. божхоначилар эътиборини тортган ва унга тегишли бўлган юклар холислар иштирокида кўздан кечирилган.
Натижада, К.Д.нинг юклари орасида, йўловчи божхона декларациясида ёзиб кўрсатилмаган 45 дона ноёб сўзана кашталари ва 2 дона тарихий либос борлиги аниқланган.
Қайд этилишича, ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.
Маълумот учун, амалдаги тартибларга кўра, Вазирлар Маҳкамасининг 1998 йил 23 мартдаги «Ўзбекистон Республикасида маданий бойликларнинг олиб чиқилиши ва олиб кирилиши масалаларини тартибга солиш тўғрисида»ги 131-сон қарорида эллик йил муқаддам ва ундан ҳам олдин яратилган маданий бойликлар Ўзбекистон Республикасидан олиб чиқиб кетилмаслиги белгилаб ўтилган.
Cамарқанд халқаро аэропортида ноқонуний олиб ўтилаётган тилла буюмлар тўхтатиб қолинди
Хоразмда божхоначилар қадимий танганинг ноқонуний олиб чиқилишига чек қўйишди
