Қиролликка Oxford/AstraZeneca, Pfizer/BioNTech, Moderna ва Johnson&Johnson вакциналари билан эмланган туристлар кириши мумкин.
Фото: Rashidan Ab.Latif / EyeEm
Эндиликда коронавирусга қарши тўлиқ эмланган туристлар Саудия Арабистонига киришда мажбурий карантинда бўлиши шарт эмас, деб ёзади РИА Новости.
Аммо бу "Спутник V" билан эмланганларга тааллуқли эмас: мамлакатда бу вакцина тан олинмаган.
Саудия Арабистонига Oxford/AstraZeneca, Pfizer/BioNTech, Moderna ва Johnson&Johnson вакциналари билан эмланган туристлар кириши мумкин.
Бундан ташқари, Sinopharm ёки Sinovac вакциналари билан эмланганларга ҳам киришга рухсат берилди. Бироқ улар қиролликда маъқулланган тўрт вакцинадан бири билан эмланиши лозим. Барча саёҳатчилар келишдан 72 соатгача аввал топширилган манфий ПЗР-тест натижасига эга бўлиши лозим.
Аниқлик киритилишича, Саудия Арабистонида туристик виза билан бўлиш 90 кундан ошмаслиги лозим.
