Жалақудуқлик икки нафар отага фарзандлари учун тўланиши керак бўлган алиментни вақтида тўламаганлиги учун 15 сутка маъмурий қамоқ жазоси тайинланди.
МИБ вилоят бошқармаси ахборот хизматининг маълум қилишича, фуқаро Х.А. бир нафар фарзанди моддий таъминоти учун тўланиши керак бўлган алиментни ўз вақтида тўламасдан келган. Натижада 11 916 561 сўм қарздорлик йиғилиб қолган ва тегишли тартибда Х.А.га 15 сутка маъмурий қамоқ жазоси тайинланган.
Бундан ташқари 7 144 897 минг сўм қарздорлиги бўлган Ш.Т.га ҳам тегишли тартибда 15 сутка маъмурий қамоқ жазоси тайинланган.
Аввалроқ, Алимент тўлашдан бўйин товлаган хўжаободлик икки нафар отага қамоқ жазоси тайинланганлиги хабар қилинган эди.
