Эрондаги портда бешта савдо кемаси ёниб кетди

Қайд этилишича, портга киришда мингдан ортиқ кема бўлган.

Эрондаги Ганава портида содир бўлган ёнғин оқибатида бешта савдо кемаси ёниб кетди. Бу ҳақда IRNA агентлиги хабар бермоқда.

Хабарда айтилишича, кемаларнинг тўрттасида юклар бўлган.

"Ганава портига киришда кўплаб кемалар бўлгани сабабли уларни сақлаб қолиш учун ёнаётган кемаларни катта қийинчилик билан четга тортиб олдик", — деди мэр Ғуломризо Меҳржу.

Қайд этилишича, портга киришда мингдан ортиқ кема бўлган.

Ҳодиса юзасидан тергов ишлари бошланган.