Бу Тошкент шаҳри, Учтепа туманидаги серқатнов йўллардан бири. Мутасаддилар 2019 йили ўтказилган матбуот анжуманида йўлларни таъмирлашда бу каби ҳолатлар бошқа такрорланмаслигига ваъда берган эди.
Афсуски, ҳамон таъмирлашда бундай нуқсонларга йўл қўйилмоқда. Давлат автомобил йўллар қўмитасига кўра, пойтахт йўлларини таъмирлаш шаҳар ободонлаштириш бошқармаси зиммасида.
Йўллар остидаги қувурлар алмаштирилгач, чуқурлар пайдо бўлиши, қудуқлар қопқоғининг йўл сатҳидан бир неча сантиметр баландда ёки пастда қолиши одатий ҳол.
Йўл таъмирини қабул қилувчи мутасаддилар бунга кўп ҳам эътибор бермайди.
