Қўшимча функционаллар
-
Тунги кўриниш
3 йилда 58 нафар ички ишлар органи ходими хизмат вазифасини бажариш пайтида ҳалок бўлган
Фото: KUN.UZ
Ўзбекистонда сўнгги 3 йилда 58 нафар ички ишлар органлари ходими хизмат вазифасини бажариш вақтида ҳалок бўлган. Бу ҳақда ички ишлар вазири ўринбосари, полковник Бекмурод Абдуллаев маълум қилди.
Унинг сўзларига кўра, бир ёки икки ҳолатни деб бутун ички ишлар тизимига баҳо бериш ҳолатлари ҳам йўқ эмас.
“Ички ишлар органларида 99 фоиз ўз хизматига фидойи, юртига садоқатли, ўз қасамёдига содиқ инсонлар меҳнат қилади.
Сўнгги уч йил давомида ички ишлар органлари ходимларининг 142 нафари ҳалок бўлган ёки жароҳат олган. Шулардан, 58 нафари ўз хизмат вазифасини бажариш пайтида ҳалок бўлган”, деди ички ишлар вазири ўринбосари.
Аввалроқ, Бекмурод Абдуллаев 2021 йил 6 ойида ҳар 100 минг аҳоли сонига нисбатан 132та жиноят тўғри келганини айтиб ўтганди.
Қайд этилишича, 2021 йил 6 ойида 2017 йилнинг 6 ойига нисбатан қарийб икки баравар кўп (8 592/15 321) жиноятлар аниқланган.
Жорий йил 6 ойи якунига кўра, республикадаги 9 251та маҳалладан 4 559тасида (49,3 фоиз) бирорта ҳам жиноят содир этилишига йўл қўйилмаган.
Мавзуга оид
16:02 / 22.04.2024
Ички ишлар органлари ўз фаолиятида дронлардан фойдаланишни бошлайди
13:51 / 22.12.2023
ИИО навбатчилик қисмларида фуқароларни алкотестер ёрдамида текшириш тартиби эълон қилинди
08:28 / 25.10.2023
Президент: «Тизимдаги ислоҳотлар амалий натижасини соҳанинг ҳар бир ходими, биринчи навбатда, халқимиз ўз кундалик ҳаётида сезиши шарт»
14:13 / 16.09.2023