Мустақиллик байрами очиқ майдонларда ўтказилади

Соғлиқни сақлаш вазирлиги Ўзбекистонда мустақиллик байрами тадбирларини ўтказиш тартиблари белгилангани ҳақида маълум қилди.

Республика махсус комиссияси томонидан Ўзбекистон Республикаси давлат мустақиллигининг 30 йиллик байрами тадбирларини кўтаринки руҳда ўтказиш мақсадида Қорақалпоғистон Республикаси, вилоятлар ва Тошкент шаҳрида очиқ майдонларда сайиллар, концерт томошалари ва кўнгилочар дастурларни ташкил этиш борасидаги тегишли ташкилотлар томонидан берилган таклифлар маъқулланган.

«Мустақилликнинг ўттиз йиллиги байрамига тайёргарлик кўриш ва уни юқори савияда ўтказишни таъминлашга масъуллар томонидан байрам тадбирларига ташриф буюрувчилар ниқоб тақишлари, ижтимоий масофа сақлашлари, шахсий гигиена қоидаларига қатъий риоя этиш устидан назоратини кучайтиришни таъминлаш шартлиги белгиланди. 

Шу ўринда Соғлиқни сақлаш вазирлиги байрам тадбирлари ўтказиладиган майдонларда, шунингдек, ташкилот, корхона, муассасаларда, йирик савдо мажмуалари, супермаркетлар, кўнгилочар муассасаларда ниқобда бўлиш, ижтимоий масофани сақлаш, тана ҳароратини ўлчаш амалиётларига риоя этилишини сўраб қолади», дейилади ССВ матбуот хизмати хабарида.