Покистон ҳарбийлари чегарада афғонистонлик қочқинларга ўқ узиши оқибатида бир неча киши ҳалок бўлди

Воқеа Покистон шимоли-ғарбидаги Торкҳам назорат-ўтказув пунктида содир бўлган.

Фото: AP / Tariq Achakzai

Покистон кучлари чегарани ноқонуний кесиб ўтишга уринган афғонистонлик қочқинларга ўқ узиши оқибатида уч киши ҳалок бўлди, деб хабар берди РИА Новости.

Хабарда айтилишича, воқеа Покистон шимоли-ғарбидаги Торкҳам назорат-ўтказув пунктида содир бўлган.

Агентлик манбасининг сўзларига кўра, жума куни эрталаб ўн нафар афғонистонлик Покистон ҳудудига ўтган.

Покистонлик чегарачилар уларга қарата ўт очган. Натижада уч киши ҳалок бўлган ва беш киши жароҳатланган.