ЖССТ «Спутник V» вакцинасини қачон маъқуллаши айтилди

Фото: Коммерсантъ

Маълумотларга кўра, вакцина бир-икки ой ичида маъқулланади.

Аргентинанинг Richmond фармацевтика компанияси раҳбари Марсело Фигейрас ЖССТ яқин вақт ичида коронавирусга қарши «Спутник V» вакцинасини маъқуллашини айтди. Бу ҳақда Telam агентлиги хабар берди.

«Биздаги маълумотларга кўра, бу аниқ. Вакцина кўпи билан бир-икки ой ичида маъқулланади», — деди Фигейрас.

Унинг айтишича, маъмурий сабаблар туфайли Россия вакцинаси ЖССТ томонидан шу пайтгача маъқулланмаган.

«Булар ахборот масалалари, ҳисоботлар тайёрлашлардир», — деди у.

Гамалея номидаги илмий-тадқиқот институти томонидан ишлаб чиқилган «Спутник V» вакцинаси Россияда 2020 йил августда рўйхатдан ўтказилганди.

Тайёрлаган Дилшод Аскаров

#ЖССТ #Спутник V

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.