«Атлетико» - «Ливерпуль», «Шериф» эртаги Италияда ҳам давом этадими? ЕЧЛ 3-тур анонси

Бугун, 19 октябрь сешанба оқшомида кўҳна қитъада Чемпионлар лигаси дастлабки тўртта гуруҳида 3-тур доирасидаги учрашувлар ўтказилади. Саккизта стадионда ўтадиган тўқнашувлар орасида Мадрид, Милан, Париждаги қарама-қаршиликлар марказий мақомга эга. Қуйида ЕЧЛ сешанба кунги ўйинлари тахминий таркиби ва анонси билан танишинг.

 «А» гуруҳи: «Брюгге» «Сити»дан ҳам очко олиш илинжида, «ПСЖ» Неймарсиз ўйнайди

3-турга старт берувчи учрашувда «А» гуруҳида 2-ўринни эгаллаб турган «Брюгге» ўз майдонида «Манчестер Сити»ни қабул қилади. Пеп Гвардиола жамоаси сўнгги турда Париждаги мағлубиятдан кейин Бельгияга фақат ғалаба илинжида бориши аниқ. Аммо 7 ўйиндан буён мағлубият нималигини билмай келаётган Филипп Клеман шогирдлари бунгача «ПСЖ»дан очко тортиб олиш билан бирга сафарда «Лейпциг»ни мағлуб этишга эришган. Шундай экан, АПЛнинг амалдаги чемпионига Бельгияда осон бўлмайди.

Гуруҳдаги иккинчи ўйинда эса пешқадам «ПСЖ» гуруҳ аутсайдери бўлиб турган «Лейпциг»ни мағлуб этишга уринади. Ушбу баҳсда парижликлар етакчиларидан бири Неймар жамоасига ёрдам бера олмаса-да, Месси сафга қайтади.

 Чемпионлар лигаси. 3-тур

19 октябрь (сешанба)

«А» гуруҳи

«Брюгге» - «Манчестер Сити»

Ўйин бошланиш вақти: 21:45

ТВ-трансляция: Sport

«Брюгге»: Миньоле; Мата, Хендри, Нсоки, Соболь; Вормер, Ритс, Ванакен; Сова, де Кетеларе, Ланг

«Манчестер Сити»: Эдерсон; Уокер, Рубен Диаш, Ляпорт, Зинченко; Гундўған, Фернандиньо, де Брейне; Габриэл Жезус, Фоден, Грилиш

Ўйнамайди: Торрес (жароҳат), Стоунз (шахсий муаммолар)

Сўроқ остида: Эдерсон (жисмоний ҳолат), Габриэл Жезус (жисмоний ҳолат)

 «Пари Сен-Жермен» - «Лейпциг»

Ўйин бошланиш вақти: 23:59

ТВ-трансляция: Sport2

«ПСЖ»: Доннарумма; Ҳакими, Маркиньос, Кимпембе, Нуну Мендеш; Вейналдум/Эррера, Верратти, Гуэй; Месси, Мбаппе, Икарди/Дракслер

Ўйнамайди: Ди Мария (дисквалификация), Неймар (жароҳат), Рамос (жароҳат), Паредес (жароҳат)

Сўроқ остида: Навас (жароҳат), Икарди (шахсий муаммолар)

«Лейпциг»: Гулачи; Клостерманн, Симакан, Орбан, Гвардиол; Айдара, Кампл; Нкунку, Форсбург, Собослаи; Поульсен

Ўйнамайди: Сараччи (жароҳат), Хальстенберг (жароҳат), Бробби (жароҳат), Ольмо (жароҳат).

«B» гуруҳи: «Милан» Португалияда меҳмон, Симеоне Клоппга қарши

«B» гуруҳида турнинг марказий тўқнашуви кузатилади. Мадриднинг «Атлетико» клуби ўз майдонида «Ливерпуль»ни қабул қилади. Симеоне ва Клопп жамоалари ўртасидаги баҳс шиддатли кўриниш олиши аниқ. Сўнгги икки баҳсда испан клуби инглиз жамоасидан устун келган. Айниқса, «Энфилд»да ўтган сўнгги баҳс кўпчиликнинг ёдида – 2020 йилда ЕЧЛ 1/8 финали доирасида 120 дақиқа давом этган учрашувда Мадрид клуби Моратанинг 120+1-дақиқадаги голи эвазига сафардан 3:2 ҳисобидаги ғалаба билан қайтган эди. Ҳозирда ажойиб спорт формасида бўлган Клопп шогирдлари бу сафар Мадридда реванш илинжида бўлишади.

Иккинчи ўйинда эса ўтган турнинг аламзада жамоалари тўқнаш келади. «Порту» «Ливерпуль»дан учралган йирик ҳисобли мағлубият тасодиф эканлигини исботлашга уринса, «Милан» икки ўйиндаги икки мағлубиятдан кейин турнирдаги илк очколари учун кураш олиб боради. Пиоли шогирдлари А Сериядаги муваффақиятли юришни Чемпионлар лигасида айнан «Порту» билан ўйиндан бошлашлари мумкин. Навбатдаги мағлубият жамоанинг гуруҳдан чиқиш масаласини янада оғирлаштиради.

 «В» гуруҳи

«Атлетико» - «Ливерпуль»

Ўйин бошланиш вақти: 23:59

ТВ-трансляция: Yoshlar

«Атлетико»: Облак; Триппьер, Фелипе, Хименес, Эрмосо, Карраско; Льоренте, Коке, Лемар; Жоау Феликс, Суарес

Ўйнамайди: Савич (дисквалификация)

«Ливерпуль»: Алиссон; Александер-Арнолд, Матип, ван Дейк, Робертсон; Кейта, Фабиньо, Ҳендерсон; Салоҳ, Жота, Мане

Ўйнамайди: Элиотт (жароҳат), Тьяго (жароҳат)

Сўроқ остида: Жонс (жароҳат)

«Порту» - «Милан»

Ўйин бошланиш вақти: 23:59

ТВ-трансляция: Матч Арена

«Порту»: Диогу Кошта; Жоау Мариу, Пепе, Маркано, Венделл; Урибе, Сержиу Оливейра, Отавио, Корона; Диас, Тореми

Сўроқ остида: Мбемба (жароҳат)

«Милан»: Тэтэрушану; Калюлю, Томори, Кьер, Калабрия; Беннасе, Тонали; Салемакерс, Крунич, Рафаэл Леау; Жиру

Ўйнамайди: Кесси (дисквалификация), Флоренци (жароҳат), Меньян (жароҳат), Ребич (жароҳат), Браим Диас (бетоб), Тео Эрнандес (бетоб), Плиццари (жароҳат), Мессиас (жароҳат)

«С» гуруҳи: Гуруҳ пешқадамлиги учун кураш

Ушбу гуруҳдаги дастлабки икки турдан кейин фаворитлар номи маълум бўлди ва бу жамоалар ушбу турда ўзаро тўқнаш келишади. «Аякс» ва «Боруссия»га қарши баҳсда гуруҳ пешқадамлиги учун кураш кечади. Икки жамоа ҳам 6 очкога эга. «Аякс» ҳимоячилари Амстердамдаги баҳсда Эрлинг Ҳоландни тўхтатиш йўлини топишса, муваффақиятга эришишлари мумкин.

Гуруҳдаги яна бир баҳсда ҳалигача очкога эга бўлмаган «Бешиктош» ва «Спортинг» ўзаро тўқнаш келади. Туркиядаги ўйиндан сўнг гуруҳдаги яққол аутсайдер номи ойдинлашиши мумкин.

 «С» гуруҳи

«Бешиктош» - «Спортинг»

Ўйин бошланиш вақти: 21:45

ТВ-трансляция: Mahalla

«Бешиктош»: Эрсинг Дестанўғли; Розье, Велинтон, Вида, Н'Сакаля; Соуза, Пьянич, Ғаззол, Алекс Тейшейра, Ларин; Бачуайи

Ўйнамайди: Меҳмет Топал (жароҳат), Н'Куду (жароҳат), Хатчинсон (жароҳат)

«Спортинг»: Адан; Инасиу, Коатес, Феддаль; Порро, Пальинья, Матеус, Винагре; Сарабия, Паулинью, Поте

Ўйнамайди: Табата (жароҳат)

«Аякс» - «Боруссия»

Ўйин бошланиш вақти: 23:59

ТВ-трансляция: Матч Игра

«Аякс»: Пасвеер; Мазрауи, Тимбер, Мартинес, Блинд; Альварес, Классен, Гравенберх; Бергхейс, Алле, Тадич

Ўйнамайди: Клайбер (жароҳат), Стекеленбург (жароҳат)

«Боруссия»: Кобель; Менье, Аканжи, Ҳуммельс, Шульц; Витсель; Брандт, Беллингем; Ройс; Ҳоланд, Мален

Ўйнамайди: Кулибали (жароҳат), Дауд (жароҳат), Геррейру (жароҳат), Морей (жароҳат), Мукоко (жароҳат), Рейна (жароҳат), Шмельцер (жароҳат)

«D» гуруҳи: «Реал» Украинада меҳмон, «Шериф» эртаги давом этадими?

Ушбу гуруҳдаги икки ўйин ҳам мухлислар диққат марказида бўлади. Чемпионлар лигасида кашфиёт жамоага айланган «Шериф» Мадриддаги сенсацион ғалабадан кейин Италиядаги ўйинга гуруҳ пешқадами сифатида ташриф буюради. Ушбу баҳсда ўзбекистонлик ҳужумчи Жасур Яхшибоев жароҳати сабабли Молдова клубига ёрдам бера олмайди. Кўрамиз, «Шериф» Яхшибоевсиз ҳам, турнирда ҳали ғалаба нашидасини сурмаган «Интер»ни мағлуб этиб, сенсацион юришини давом эттира олармикан?

ЕЧЛда ғалаба нималигини билмай келаётган яна бир клуб «Шахтёр» эса ўтган турнинг аламзада клуби «Реал»ни қабул қилади. Киевдаги учрашувда Мадрид клуби фақат уч очко умидида келиши аниқ. Анчелотти шу куни Азар ва Бэйл хизматидан фойдалана олмаса-да, бу мадридликлар учун катта йўқотиш эмас.

Эътиборлиси, роппа-роса бир йил аввал – 20 октябрь куни «Шахтёр» ЕЧЛ гуруҳ босқичида «Реал»ни Мадридда 3:2 ҳисобида сенсацион тарзда мағлуб этганди. Де Дзерби шогирдлари бу сафар энди Украинада ушбу натижани такрорлашга уринишлари аниқ.

 «D» гуруҳи

«Интер» - «Шериф»

Ўйин бошланиш вақти: 23:59

ТВ-трансляция: Sport

«Интер»: Ҳанданович; Шкриниар, де Врей, Бастони; Думфрис, Барелла, Брозович, Чалханўғли, Перишич; Жеко, Лаутаро Мартинес

Ўйнамайди: Сенси (жароҳат)

«Шериф»: Челядник; Фернандо, Арболеда, Дуланто, Кристиано; Аддо, Тилль; Бруно, Коловос, Кастаньеда; Траоре

Ўйнамайди: Атанасиадис (бетоб), Яхшибоев (номаълум), Белоусов (жароҳат)

Сўроқ остида: Киабу (номаълум)

«Шахтёр» - «Реал»

Ўйин бошланиш вақти: 23:59

ТВ-трансляция: Mahalla

«Шахтёр»: Пятов; Додо, Марлон, Кривцов, Исмаили; Майкон, Степаненко; Тете, Алан Патрик, Фернандо; Педриньо

Ўйнамайди: Жуниор Мораэс (жароҳат), Траоре (жароҳат), Коноплянка (номаълум)

«Реал»: Куртуа; Начо, Милитао, Алаба, Гуттьерес/Менди; Вальверде, Каземиро, Модрич, Кроос; Бензема, Винисиус

Ўйнамайди: Карвахал (жароҳат), Себальос (жароҳат), Бейл (жароҳат), Иско (жароҳат), Йович (жароҳат), Азар (жароҳат).