Тергов департаменти тизимида янги лавозим тайинловлари амалга оширилди. Бу ҳақда Тергов департаменти ахборот хизмати хабар бермоқда.
Ички ишлар вазирининг буйруғи билан Самарқанд вилояти ички ишлар бошқармаси бошлиғи ўринбосари - ИИБ ҳузуридаги тергов бошқармаси бошлиғи, полковник Рамазон Ашропов эгаллаб турган лавозимидан озод этилиб, Тошкент вилояти ИИББ бошлиғи ўринбосари - ИИББ ҳузуридаги Тергов бошқармаси бошлиғи лавозимига тайинланди.
Шунингдек, Фарғона вилояти ички ишлар бошқармаси бошлиғининг биринчи минтақавий ҳудуд бўйича вакили - минтақавий мувофиқлаштириш маркази бошлиғи, подполковник Элёрбек Ғаниев эгаллаб турган лавозимидан озод этилиб, Наманган вилояти ИИБ бошлиғининг ўринбосари - ИИБ ҳузуридаги Тергов бошқармаси бошлиғи лавозимига тайинланди.
Аввалроқ, ИИВ тизимида иккита лавозим тайинлови амалга оширилганди.