“Туркий давлатлар ҳамкорлигини янада кучайтириш мақсадида, Кенгаш ўз номини ўзгартиради ва Туркий давлатлар ташкилотига айланади”, - деган Туркия ташқи ишлар вазири Мавлуд Чавушўғли.
Таъкидланишича, Туркия тилли давлатлар ҳамкорлик кенгашининг 2021 йилги саммитида Туркманистон ҳам расман кузатувчи сифатида иштирок эта бошлаган. Бундан аввал, биргина Венгрия кузатувчи мақомида эди.
Туркий тилли давлатлар ҳамкорлик кенгаши давлат раҳбарлари 12 ноябрдаги мажлисида ташкилотнинг 2040 йилгача бўлган дастурини ҳам қабул қилади.
Туркий тилли давлатлар ҳамкорлик кенгаши 2009 йилда туркий тилда сўзлашувчи давлатлар ҳамкорлигини кучайтириш мақсадида ташкил этилган бўлиб, бугунги кунда унга Ўзбекистон, Туркия, Қозоғистон, Қирғизистон ва Озарбойжон тўлақонли аъзо ҳисобланади. Ўзбекистон Кенгашга 2019 йил аъзо бўлган эди.
