Сурхондарё вилояти Денов туманида 10-синф ўқувчиси отасининг машинаси билан 1-гуруҳ ногирони бўлган шахсни уриб юборган. Оқибатда у вафот этган. Бу ҳақда вилоят ИИБ ЙҲХБ ахборот хизмати хабар бермоқда.
Маълум қилинишича, 13 декабр куни 4К-588 Денов-Вахшивор автомобил йўлининг Денов тумани Тотувлик маҳалласидан ўтган 1-километрида одам ўлими билан боғлиқ йўл-транспорт ҳодисаси содир бўлган.
Денов тумани Ободон маҳалласида яшовчи, туман ХТБ тасарруфидаги 35-мактабнинг 10-синфи ўқувчиси тунда отасига тегишли бўлган машинани бошқариб кўчага чиққан.
Сўнг қўллари ёрдамида ҳаракатланиб йўлни кесиб ўтаётган 1-гуруҳ ногирони бўлган фуқарони уриб юборган. Оқибатда оғир тан жароҳатлари олган фуқаро вафот этган.
Сурхондарёда Spark машинасини бошқариб кетаётган мактаб ўқувчисига чора кўрилди
Сурхондарёда машина бошқариб юрган 15 ёшли ўсмирга чора кўрилди
Сурхондарёда вояга етмаган болалар «Камаз»да юк ташиб юргани аниқланган
