Тошкент вилоятига Зойир Мирзаев ҳоким бўлиб келишидан ҳеч қанча вақт ўтмай, ҳокимлик биноси атрофини ўраб турган панжаралар олиб ташланди. Панжаралар ўрнига дарахт кўчатлари экилиши маълум қилинди.
Бу воқеадан кейин яна қайси вилоят ҳокимликларида панжаралар олиб ташлангани, қайсиларида сақланиб қолаётгани билан қизиқдик.
Қашқадарё вилояти
Ушбу вилоят ҳокимлигида, бошқалари каби, панжара анча йиллардан буён бўлиб келган, бироқ вилоятга Зойир Мирзаев ҳоким бўлиб келиши билан улар олиб ташланган. Ҳозирда аҳоли истаса, ҳокимлик олдидаги боғда ҳам сайр қилиб юриши мумкин.
Фото: qashqadaryo.uz
Фото: yandex.com
Ҳокимлик ахборот хизмати раҳбари Аҳрор Содиқовнинг Kun.uz'га маълум қилишича, Зойир Мирзаев даврида вилоятдаги барча туман ҳокимликларининг панжаралари ҳам олиб ташланган.
Самарқанд вилояти
Ушбу вилоят ҳокимлиги ҳам муқаддам панжаралар билан ўралган бўлган. Эркинжон Турдимов ҳоким бўлиб келганидан сўнг, панжаралардан воз кечилган.
Фото: Kun.uz
Фото: Kun.uz
Ҳокимлик матбуот котиби Манучеҳр Мирзаевнинг билдиришича, нафақат вилоят, балки туман ҳокимликларида ҳам панжаралар йўқ.
“Вилоятдаги сўнгги панжара Пайариқ туман ҳокимлигида эди. Шу йил январида Kun.uz
