Булунғур туманида халқ депутатлари туман кенгашининг навбатдан ташқари сессияси бўлиб ўтмоқда.
Фото: Самарқанд вилояти ҳокимлиги
Самарқанд вилояти ҳокимлиги хабарига кўра, сессияда ташкилий масала кўрилди.
Булунғур тумани ҳокими вазифасида фаолият олиб борган Баҳодир Баҳромов бошқа ишга ўтиши муносабати билан ўз аризасига асосан эгаллаб турган вазифасидан озод этилди.
Сессияда депутатлар томонидан Самандар Остонов номзоди Булунғур тумани ҳокими лавозимига тасдиқланди.
Самандар Остонов мазкур тайинловга қадар Самарқанд вилояти прокурори ўринбосари лавозимида фаолият олиб борган.
Аввалроқ, Бухоро вилояти Ромитан тумани ҳокими ўзгаргани хабар қилинганди.
