А Серия. Шомуродов «Рома» учун яна гол урди, «Интер»да қаторасига 7-ғалаба

Италия чемпионатида 19-тур баҳслари давом эттирилмоқда. 

Пешқадам «Интер» ўз майдонида «Торино»ни (25, 11-ўрин) Думфриснинг голи эвазига мағлуб этиб, А Серияда қаторасига 7-ғалабасини қўлга киритди ва очколарини 46тага етказиб, етакчилигини мустаҳкамлаб олди. 

«Рома» (32, 6-ўрин) ўз майдонида «Сампдория»ни (20, 15-ўрин) қабул қилиб, ғалабани сақлаб қола олмади. Захирадан майдонга тушган Шомуродовнинг голига Габбьядини жавоб берди. 

«Фиорентина» (32, 7-ўрин) эса сафарда «Верона» (24, 12-ўрин) билан баҳсда мағлубиятдан қутулиб қолди. 

А Серия. 19-тур. 22 декабрь

Интер — Торино 1:0
Гол: Думфрис (30). 
Интер – Ҳанданович, Думфрис (Д`Амброзио, 83), де Врей, Шкриньяр, Бастони, Перишич (Димарко, 90), Видаль (Сенси, 82), Брозович, Чалхонўғли (Весино, 69), Жеко, Мартинес (Санчес, 69). 
Торино – Милинкович-Савич, Синго (Ансальди, 76), Жижи, Буонжорно (Родригес, 65), Бремер, Айна, Брекало (Прат, 76), Лукич, Побега (Мандрагора, 65), Пьяца, Санабрия (Варминг, 59).

Рома — Сампдория 1:1
Голлар: Шомуродов (72) — Габбьядини (80). 
Рома – Патрисиу, Карсдорп, Смоллинг, Манчини, Рожер, Винья (Шомуродов, 67), Мхитарян, Верету (Эль-Шаарави, 67), Кристанте, Дзаньоло, Абраҳам (Афена-Гьян, 47).
Сампдория – Фальконе, Берешиньски (Кьерво, 76), Йошида, Колли, Аужелло, Кандрева (Депаоли, 89), Аскильдсен (Йепес, 89), Адриен Силва, Эедаль (Феррари, 37), Габбьядини, Капуто (Квальярелла, 76). 

Верона — Фиорентина 1:1
Голлар: Лазанья (17) — Кастровилли (81).
Верона – Монтипо, Фараони, Велозу (Бесса, 46), Казале, Шутало, Лазович, Тамез, Илич, Капрари (Онгла, 80), Симеоне, Лазанья (Кансельери, 81). 
Фиорентина – Терраччано, Венути (Одриосола, 70), Игор Жулио, Миленкович, Терзич, Бонавентура (Кастровилли, 46), Данкан, Торрейра, Влаҳович, Гонсалес, Соттиль (Сапонара 63, Кальехон 70).