Ўзбекистон қайси давлатларга энг кўп автомобил экспорт қилгани маълум бўлди

Ўзбекистон асосан қайси давлатларга енгил автомобил экспорт қилаётгани маълум бўлди. Давлат статистика қўмитаси тегишли хабар билан чиқди.

Фото: UzAuto Motors

Қўмита маълумотларига кўра, 2021 йилнинг январь-ноябрь ойларида Ўзбекистон енгил автомобилларни энг кўп Қозоғистонга экспорт қилган — 28 651 та. Кейинги ўринлардан Украина (744 та) ва Россия (448 та) жой олган.

Шунингдек, ушбу кўрсаткич қолган давлатлар кесимида қуйидагича кўриниш олди:

Озарбойжон – 253 та;
Афғонистон – 128 та;
Тожикистон – 72 та;
Қирғизистон – 30 та.

Аввалроқ, Ўзбекистонга автомобиллар асосан Хитой ва Кореядан олиб келинаётгани хабар берилганди.

2021 йилнинг январь-ноябрь ойларида Ўзбекистон енгил автомобил импорт қилган асосий давлатлар орасида Хитой (6 963 та) ва Корея (5 630 та) етакчилик қилмоқда.