Навоийда пул эвазига ишга киритиб қўймоқчи бўлган шахслар қўлга олинди
Навоий шаҳрида фуқарони 2 000 АҚШ доллари эвазига автобазага ишга киритиб қўймоқчи бўлган шахслар ушланган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълум қилинишича, НКМКга қарашли 3-автобаза ишчиси З.Ғ. фуқаро М.М. билан тил бириктириб, фуқаро С.ни 2 000 АҚШ доллари эвазига автобазага ҳайдовчи вазифасига ишга киритиб қўйишмоқчи бўлишган. Улар келишилган пулнинг 700 АҚШ долларини олган вақтида департамент ҳамда ДХХнинг Навоий шаҳар бўлимлари томонидан ИИБ ходимлари билан ҳамкорликда ўтказилган тезкор тадбирда ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Олдинроқ Навоийда 50 миллион сўмга 10 гектар ер олиб бермоқчи бўлган шахс қўлга олинганди.
Мавзуга оид
21:11 / 05.10.2024
6 минг сохта iPhone билан Apple компаниясини чув туширган фирибгарлар жазоланди
19:38 / 03.10.2024
Humans Pay'да тўловлар ва ўтказмаларни амалга оширишда носозликлар кузатилмоқда
18:42 / 02.10.2024
Тошкент ва Самарқандда фуқароларни пул эвазига хорижга ишга юбормоқчи бўлганлар ушланди
20:24 / 01.10.2024