15:02 / 23.12.2021
1013
Навоийда 50 миллион сўмга 10 гектар ер олиб бермоқчи бўлган шахс қўлга олинди
Фото: Бош прокуратура ҳузуридаги департамент

Хатирчи туманида 10 гектар ер майдони олиб беришни ваъда қилган фуқаро ушланган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.

Маълум қилинишича, фуқаро С.Ш. фуқаро Ш.нинг ишончига кириб, унга Хатирчи тумани Учқора маҳалласи ҳудудида ўзига тегишли фермер хўжалиги борлигини айтган ҳамда ушбу хўжаликнинг 10 гектар ер майдонини 50 миллион сўмга сотишга келишган. У келишилган пулнинг 25 миллион сўмини таниши орқали олган вақтида департамент ва ДХХнинг вилоят бошқармалари ҳамда вилоят ИИБ томонидан ўтказилган тезкор тадбирда ушланган. 

Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

Олдинроқ Навоийда ҳокимлик захирасидаги ерни 75 миллион сўмга сотмоқчи бўлган шахс ушланганди.

Top