Ўзбекистон | 07:58 / 25.02.2022
24924
1 дақиқада ўқилади
Европа иттифоқи Россияга қарши янги санкцияларни эълон қилди
Европа иттифоқи Россияга қарши янги санкциялар киритмоқда. Бу ҳақда Европа комиссияси раиси Урсула фон дер Ляйен маълум қилди.
Урсула фон дер Ляйеннинг сўзларига кўра, қуйидаги чеклов чоралари кўрилади:
- Россия банк бозорининг 70 фоизига ва асосий давлат компаниялари, шу жумладан мудофаа соҳасида фаолият юритувчи компанияларга таъсир қилувчи молиявий санкциялар;
- энергетика соҳасидаги санкциялар, шундан кейин Россия нефтни қайта ишлаш заводларини модернизация қила олмайди;
- Россияга самолётлар ва авиация ускуналарини сотишни тақиқлаш;
- Россиянинг технологиялар, шу жумладан яримўтказгичлардан фойдаланишини чеклаш;
- виза санкциялари - дипломатлар ва бизнес вакиллари энди Европа иттифоқи мамлакатларига кириш имтиёзларидан фойдалана олмайди.
Аввалроқ, Украина президенти халққа янги мурожаат билан чиққанди.
У Россия ҳарбийлари учун «биринчи рақамли нишон» сифатида белгиланганини таъкидлади. Бироқ, у Киевнинг ҳукумат кварталида қолмоқда.
Президент фуқароларни ёлғон маълумотларга ишонмаслик, комендантлик соатига риоя қилиш ва эҳтиёт бўлишга чақирди.
Мавзуга оид
20:26 / 27.09.2024
Украина суди Алишер Усмоновнинг қарийб 50 миллион доллар активларини мусодара қилди
18:06 / 27.09.2024
Тошкентдаги мактабда бошланиб вазирлар даражасига чиққан можаро – нималар бўлди?
12:00 / 27.09.2024
Reuters: Россия Хитойда яширинча янги УУА моделини яратди
11:20 / 27.09.2024