Фото: Тошкент вилояти кўчалари ва хонадонларни сув босди

Сўнгги кунларда мунтазам ёғаётган ёмғирлар туфайли Тошкент вилоятининг қатор кўчаларини сув босди. Айрим туманларда эса хонадонларга ҳам сув кирган. Бу ҳақда вилоят ҳокимлиги ахборот хизмати хабар бермоқда.

Мазкур ҳолатлар вилоят Фавқулодда вазиятлар бошқармаси ходимлари томонидан назоратга олиниб, уларни тезкор бартараф этиш чоралари кўрилмоқда.

Жумладан, Оққўрғон тумани буюм бозори ҳудудига ҳам сув тўпланиб қолган.

Бундан ташқари, Олмалиқ шаҳри "Олтин" МФЙ, Тошкент кўчаси, 16-уй олдига ва хонадон ичига ҳам сув тўлиб қолган.

Аввалроқ, М-39 халқаро автомобил йўлининг Булунғур туманидан ўтган қисми сел остида қолгани тўғрисида хабар берилган эди.