Полша Россия газидан тўлиқ воз кечишга тайёрлигини билдирди

Варшава мамлакат энергетика сектори фаолиятини Россия газидан фойдаланмасдан тўлиқ таъминлашга тайёрлигини билдирди. Бу ҳақда Forsal сайти хабар берди.

Полшанинг Gaz-System газ тармоқлари оператори раҳбари Томаш Стемпен мамлакат газ тизими шарқий йўналишдан газ олишни тўхтатишга тайёрлигини айтди. 

"Полша газ тизими шарқдан келадиган барча йўлларни истеъмолчиларга етказиб беришни чекламаган ҳолда ёпишга тайёр", - деди у.

Унинг сўзларига кўра, газ омборлари юқори даражада тўлдирилган. 

"Ҳар куни катта ҳажмда газ қўшяпмиз. Омборлар қарийб 80 фоизга тўлиб бўлди", - дея қўшимча қилди Стемпен.