Қўшимча функционаллар
-
Тунги кўриниш
Starlink сунъий йўлдош интернети Ўзбекистонда тахминан қачон ишлаши маълум қилинди
Starlink сунъий йўлдош интернетининг Ўзбекистонда ишлаши ҳақида SpaceX веб-сайтидаги харитада кўрсатилган. Бу ҳақда Ўзбекистон томони ҳали маълум қилмади.
Фото: Divulgação / SpaceX / Tecnoblog
SpaceX веб-сайтидаги харитада келтирилишича, Starlink сунъий йўлдош интернети Ўзбекистонда тахминан 2023 йилда ишлашни бошлайди.
Ўзбекистонда 10-11 май куни ўтказилган “Space Technology Conference STC-2022” халқаро конференциясида ҳам Starlink лойиҳасининг Ўзбекистонда ишлаши масаласи муҳокама қилинганди.
АКТ вазири ва “Ўзбеккосмос” бош директори Тошкентга келган SpaceX компанияси вакили Бен Мак Виллиамс билан учрашув ўтказиб, Starlink’нинг Ўзбекистон бозорига кириш масаласини муҳокама қилганди. Бироқ бу қачон амалга ошиши ҳақида маълумот берилмаган.
SpaceX веб-сайтидаги харитада Starlink интернетининг ҳозир қайси ҳудудларда ишлаётгани, яқин келажакда қаерда ишлаши ва ишламаслиги ҳам кўрсатилган. Унга кўра, хизмат ҳозир асосан Шимолий Америка давлатлари, Жанубий Американинг айрим ҳудудлари, Европа ва Австралиянинг маълум бир ҳудудлари, шунингдек, Янги Зеландияда ҳам ишламоқда.
Starlink ишга тушиши мумкин бўлган давлатлар қаторига Хитой, Шимолий Корея, Россия, Беларус, Эрон, Сурия, Куба, Венесуэла ва Афғонистон киритилмаган.
Мавзуга оид
09:45 / 08.11.2025
Starlink Марказий Осиёда сунъий йўлдош алоқасини ривожлантириш бўйича Veon билан келишув тузди
11:14 / 14.10.2025
SpaceX Starship'нинг 11-синовини муваффақиятли якунлади
18:26 / 02.10.2025
Илон Маск $500 млрд бойликка эга биринчи одамга айланди – Forbes
07:36 / 26.09.2025