Путин «Шимолий оқим 1»га газ тўлдириш ҳажми 5 бараварга қисқариши мумкинлигини айтди

«Шимолий оқим 1»га газ тўлдириш қуввати 1/5 қисмга, яъни кунига 33 миллион кубометргача қисқартирилиши мумкин, бу агар Siemens газ турбиналаридан бири ўз ресурслари тугаганидан кейин Канадада таъмирланганига алмаштирилмаса, юз беради. Бу ҳақда 19 июль, сешанба куни Теҳронда журналистлар саволларига жавоб берар экан, Россия президенти Владимир Путин маълум қилди, деб ёзади «Интерфакс».

Унинг сўзларига кўра, «Шимолий оқим-1»да 11 июль куни газ қувурининг ҳар икки тармоғи вақтинча тўхтатилишидан олдин Siemens томонидан ишлаб чиқарилган бешта газ компрессор блокидан иккитаси ишлаган. Шу билан бирга, кунига 60 миллион кубометрга яқин нефт тўлдирилган. Канада томонидан Россия Федерациясига нисбатан жорий этилган санкциялар туфайли Монреалдаги заводда қолган бир турбина узоқ вақт давомида капитал таъмирдан қайтмаган. Натижада, Оттава ушбу санкцияларни вақтинча тўхтатишга ва турбинани Германияга юборишга рози бўлди (бу Киевда норозиликни келтириб чиқарди). 

Бироқ, энди, дея маълум қилди Путин, тахминан 26 июль куни «Газпром» бошқа блокни таъмирлаш учун тўхтатиши керак. «Агар бошқа [турбина] келса, яхши. Иккитаси ишлайди. Аммо келмаса, битта бўлади - кунига атиги 30 миллион кубометр нефт тўлдирилади», - деди Россия президенти. 

Шу билан бирга, «Шимолий оқим 2»нинг ишга туширилиши ҳам Европага газ етказиб беришни кескин оширишга ёрдам бермайди, чунки газ қувури қувватининг ярми уни ишга туширишдаги «кечикишлар» туфайли Россияда ички истеъмолга йўналтирилган, деди Путин. Россия президентининг сўзларига кўра, у Германия канцлери Олаф Шольцни бу ҳақда олдиндан огоҳлантирган. 

«Шунинг учун эртага «Шимолий оқим 2»ни ишга туширсак ҳам, бу йилига 55 миллиард кубометр эмас, роппа-роса ярмини ташкил этади. Агар жорий йилнинг иккинчи ярми қолганини ҳисобга олсак, чорак қисм таъминоти билан боғлиқ вазият шундай», деди Россия раҳбари Эрон пойтахтидаги матбуот анжуманида.

Шу билан бирга, у таъминотни қисқартириш масъулиятини Европа етакчиларига юклади. «Биз битта йўналишни, иккинчи йўналишни ёпдик, газ насос агрегатлари санкцияларга тушди. «Газпром» қанча керак бўлса, шунча қазиб олишга тайёр. «Газпром» ҳамиша ўз мажбуриятларини бажарган, бажаради ва бажариш ниятида. Ҳамкорларимиз ўз мажбуриятларини ўзлари ўзгартиришга ҳаракат қилмоқда», деди Путин.

19 июль куни Путин Эрон ва Туркия раҳбарлари билан учрашиш учун Теҳронга келди. Шу куни «Газпром» Эрон миллий нефть компанияси NIOC билан англашув меморандумини имзолади. Гап тахминан 40 миллиард долларлик лойиҳалар ҳақида кетмоқда. Ҳамкорларнинг режалари орасида Эронда янги газ ва нефть конларини ўзлаштириш, суюлтирилган табиий газ етказиб бериш ва экспорт газ қувурларини қуриш бор.