Тадбир Ахборот технологиялари ва коммуникацияларини ривожлантириш вазирлиги ва Central Asia Distribution кўмагида IT-парк, Cisco ва Beeline Uzbekistan томонидан ташкил этилади.
Тадбир мамлакат ёшларининг ахборот хавфсизлигига қизиқишини ошириш, ушбу йўналиш бўйича кўникма ва салоҳиятни шакллантиришга қаратилган.
Турнир дастури бир кунга мўлжалланган бўлиб, 4 та лаборатория ишларини ўз ичига олади. Иштирок этиш шартлари:
- жамоа икки кишидан иборат бўлиши керак;
- гуруҳ аъзоларидан бири «уланиш нуқтаси» функцияси ва эфир диапазонини бошқариш имконияти мавжуд Android телефонига эга бўлиши тавсия этилади;
- Ubuntu виртуал машинаси ўрнатилган ноутбук (18.10 версиясидан бошлаб улаб олиш ва инъекция қилиш учун мос Wi-Fi адаптери билан);
- ташқи адаптерни улаш учун USB портли ноутбук.
Мусобақа якунида иштирокчилар қимматбаҳо совғалар (техника) билан тақдирланади. Ҳужжатлар 7 августгача қабул қилинади, иштирокчилар саралаш босқичидан ўтиш учун аризани тўлдиришда тест синовидан ўтказилади.
