Тошкент шаҳрининг Шайхонтоҳур туманида телефон сотиб олиш учун қалбаки доллар берган шахс қўлга олинди.
Фото: Бош прокуратура ҳузуридаги Департамент
Бош прокуратура ҳузуридаги Департаментнинг Шайхонтоҳур туман бўлими томонидан ўтказилган терговга қадар текширувда Ю.Ю. (муқаддам ўғирлик жинояти учун судланган) қалбаки валюталарни ўтказиш мақсадида С. ишончига кириб, унга тегишли 2 дона Iphone телефонини 2550 АҚШ долларига сотиб олишга келишиб, эвазига унга 51 дона 50 АҚШ долларлик қалбаки купюрани бергани аниқланган.
Ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
