Давлат солиқ қўмитаси хабарига кўра, бу тадбиркорлик субъектлари кўп сонли мурожаатларини инобатга олган ҳолда «Солиқчи-кўмакчи» тамойили асосида такроран амалга оширилади.
Харид суммасининг 1 фоизи қайтарилган (кешбэк) чеклар бунда мустасно.
My.soliq.uz сайтидаги солиқ тўловчининг шахсий кабинетида «ЮШ онлайн-НКМ ва виртуал касса маълумотлари» саҳифасидан «Таҳрирлаш» бўлими танланади.
Таҳрирлашда тузатилган (янгиланган) маълумотлар киритилиши керак: маҳсулот номи; миқдори; суммаси; ҚҚС; маҳсулотлар ва хизматлар идентификация коди (МХИК); ўлчов бирлиги; комитент СТИРи.
Шундан сўнг ҳолат юзасидан тушунтиришни илова қилиш кифоя. ҚҚС ҳисоблашда тийин нуқта орқали киритилади, чек суммаси ўзгармаган тақдирда автомат тарзда қабул қилинади. Якуний босқич – «Юбориш» тугмасини босиш.
