«Оқила аёллар» ҳаракатининг асосий вазифалари айтилди

"Оқила аёллар" ҳаракати қоида тариқасида, қўмитада –50 нафар, тегишлича Қорақалпоғистон Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармаларида – 35-40 нафардан, туман (шаҳар) оила ва хотин-қизлар бўлимларида – 30 нафардан, маҳаллада – 15 нафардан фаол ва ташаббускор аёллардан иборат таркибда шакллантирилмоқда. 

Бугунги кунда ҳаракатнинг 75 мингдан зиёд аъзоси шакллантирилиб, умумий ҳисобда республика бўйича 147 085 нафар аъзоси рўйхати тайёрланмоқда.

"Оқила аёллар" ҳаракатининг фаол ва ташаббускор аёллари жисмоний ва юридик шахслар ҳомийлик хайриялари ҳамда қонунчилик ҳужжатларида тақиқланмаган бошқа манбалар ҳисобидан рағбатлантириб борилади.

Бундан ташқари, тегишли тавсияларга асосан давлат мукофотлари, “Мўътабар аёл”, “Маҳалла ифтихори”, “Меҳнат фахрийси” кўкрак нишони ва бошқа эсдалик, кўкрак нишонлари, идоравий мукофотлар билан тақдирланади.