Ўзбекистон Инновацион ривожланиш вазирлиги ҳузурида Сунъий интеллектни ривожлантириш бўйича маслаҳат кенгаши ташкил этилди.
Ўзбекистон Инновацион ривожланиш вазирлиги ҳузурида Сунъий интеллект бўйича миллий стратегияни ривожлантириш маслаҳат кенгаши ташкил этилди.
Маслаҳат кенгаши Сунъий интеллект бўйича миллий стратегияни ривожлантиришга оид таклифларни ишлаб чиқиш жараёнида жамоатчилик фикрини ўрганади. Инновацион ривожланиш вазири Иброҳим Абдураҳмонов кенгаш фахрий раиси ҳисобланади. Янги маслаҳат органига вазир маслаҳатчиси Бобур Раҳимов бошчилик қилади.
Кенгаш доирасида сунъий интеллектдан фойдаланган ҳолда амалий тажрибалар ўтказиш ва уларни имкон қадар қисқа вақт ичида мамлакат иқтисодиётига татбиқ этиш учун тадқиқотчиларни компаниялар билан бирлаштирадиган ишчи гуруҳлар тузилади.
Кенгаш ишида хусусий сектор, илмий ва эксперт доиралари, оммавий ахборот воситалари, жамоат ташкилотлари, таниқли жамоат арбоблари ихтиёрий равишда иштирок этиши мумкин бўлади.
