Венгрия Европа иттифоқига (ЕИ) уч нафар россиялик миллиардер – Алишер Усмонов, Петр Авен ва Виктор Рашниковга нисбатан санкцияларни бекор қилиш ҳақидаги илтимосидан вақтинча воз кечди.
Politico нашрининг ёзишича, Европа иттифоқига раислик қилаётган Чехия венгерлар билан санкцияларни узайтириш жараёнини блоклаб қўйишдан қочиш учун келишувга эришганидан» кейин Будапешт ўз сўровини рад этган.
Аввалроқ Венгрия Европа иттифоқига россиялик тадбиркорлар Алишер Усмонов, Петр Авен ва Виктор Рашниковни санкциялар рўйхатидан чиқаришни сўраб мурожаат қилгани хабар қилинганди. Бунинг эвазига мамлакат Россияга қарши Украинада ҳарбий ҳаракатлар бошланганидан кейин жорий қилинган санкцияларнинг узайтирилишига тўсқинлик қилмасликка ваъда берди.
Европа иттифоқи гуманитар ёрдам учун истисноларни кенгайтириш Венгрияга Россияга қарши санкцияларни четлаб ўтиш йўлларини яратиш заруриятини юзага келтиришидан хавотирда.
Politico манбаларининг айтишича, Венгрия аввалроқ Россия нефтига эмбарго жорий этишни кейинга сургани фонида, россиялик тадбиркорларни санкциялар рўйхатидан олиб ташлаш бўйича талаб Европа иттифоқининг айрим давлатларида «ғазабга сабаб бўлган».
Алишер Усмонов, Петр Авен ва Виктор Рашников Россиянинг Украинадаги жанговар ҳаракатлари бошланганидан кейин Европа иттифоқи санкциялари остида қолган. Европа иттифоқи уларни Кремль билан чамбарчас боғлиқ деб ҳисоблайди. Ишбилармонлар Европа иттифоқининг Люксембургдаги бош судида уларни санкциялар рўйхатига киритиш қарорига қарши чиқишмоқда.
