Ўзбекистон президенти Шавкат Мирзиёев таклифига биноан Туркия президенти Ражаб Тоййиб Эрдўған 15 сентябр куни Самарқандга келди.
Президент матбуот хизмати хабарига кўра, аэропортда уни Ўзбекистон бош вазири Абдулла Арипов кутиб олди.
Олий мартабали меҳмон Ҳазрати Хизр мажмуасидаги Ислом Каримов мақбарасига келиб, биринчи президент хотирасига ҳурмат бажо келтирди ва қабрига гул қўйди.
Туркия етакчиси ташрифи дастурида Шанҳай ҳамкорлик ташкилоти давлат раҳбарлари кенгаши мажлисида фахрий меҳмон сифатида иштирок этиш режалаштирилган.
Шунингдек, Ражаб Тоййиб Эрдўған қатор икки томонлама учрашувлар ўтказиши кутиляпти.
