“E-auksion” платформасидаги энг қиммат давлат активлари

Бугунги кунда e-auksion платформаси давлат активларини очиқ ва шаффоф усулда сотишнинг энг мақбул воситасига айланиб улгурди. Барча активлар e-auksion.uz порталида дастлабки савдода савдо кунига қадар 30 кун аввал чиқарилади. Исталган шахс онлайн-аукционда иштирок этиш учун ариза бериши мумкин.

Савдода қатнашиш истагида бўлганлар e-auksion.uz порталидан рўйхатдан ўтиши, етарли миқдорда закалат пулини киритиши талаб этилади.

1.     Поп нефт базаси бино-иншоотлари

Наманган вилояти, Поп тумани, “Анҳор” МФЙда жойлашган ушбу объектнинг бошланғич нархи 217,8 млрд сўмни ташкил этади. Объект 39 гектар ер майдонига эга бўлиб, ер участкаси мулк ҳуқуқи асосида савдога чиқарилган. Давлат активи бўлиб тўлаш шарти билан сотилади.

Батафсил

2.     “Сижжак” дам олиш маскани 

Тошкент вилояти, Бўстонлиқ тумани, “Сарбоғ” МФЙда жойлашган дам олиш маскани 5,38 гектар ер майдонига эга бўлиб, мулкни аукционда сотиб олган шахс қонунчиликка зид бўлмаган фаолият билан шуғулланиши мумкин. Бошланғич нархи 70,1 млрд сўмни ташкил этади.

Батафсил

3. Маъмурий бино

Манзил: Тошкент шаҳри, Миробод тумани, Амир Темур шоҳкўчаси, 4-уй. Бошланғич нархи 66,5 млрд сўм бўлган давлат активи 26,4 сотих ер майдонига эга. Давлат активлари бўлиб-бўлиб тўлаш шарти билан сотилганда дастлабки тўлов суммаси 35 фоиздан кам бўлган ҳолларда, қолган суммага Марказий банкнинг асосий ставкаси миқдорида йиллик фоизлар ҳисобланади.

Батафсил

4. Нотурар бино-иншоот

Жиззах вилояти, Жиззах шаҳри, “А” саноат зонаси ЭИЗ ҳудудида жойлашган умумий ер майдони 7,53 гектар бўлган собиқ ҳарбий қисм бино-иншоотлари 47,3 млрд сўм бошланғич нархда очиқ аукционга чиқарилган. Ер участкаси мулк ҳуқуқи асосида сотилмоқда. Давлат активлари бўлиб-бўлиб тўлаш шарти билан сотилганда дастлабки тўлов суммаси 35 фоиздан кам бўлган ҳолатларда, қолган суммага Марказий банкнинг асосий ставкаси миқдорида йиллик фоизлар ҳисобланади.

Батафсил

5. Соғломлаштириш маркази бино ва иншоотлари

Бошланғич нархи 32,1 млрд сўм бўлган Давлат мулки Тошкент шаҳри, Мирзо Улуғбек тумани, Мустақиллик кўчасида жойлашган бўлиб, ушбу мулк учун онлайн савдо 10 ноябр куни ўтказилади. 18,7 сотих ер майдони ва 2708 кв метр бино-иншоотларга эга бўлган давлат мулкида барча тармоқлар мавжуд.

Батафсил

6. Нотурар жой

Манзил: Тошкент шаҳри, Миробод тумани, Миробод кўчаси, 41/3-уй. Бошланғич нархи 28,5 млрд сўмлик кўчмас мулк 6,9 сотих ер майдонига эга бўлиб, 3 қаватли бино шаклида ертўласи билан Халқ банки АТ Бош амалиётлар бошқармаси томонидан сотувга қўйилди.

Батафсил

7. Меҳмонхона бино ва иншоотлари

Хоразм вилояти, Хива шаҳри, Корий кўчасида жойлашган меҳмонхонанинг бошланғич нархи 27,8 млрд сўм бўлиб, 46 сотих ер майдони ва 1644 кв метр бино-иншоотларга эга. Ер участкаси мулк ҳуқуқи асосида савдога чиқарилган.

Батафсил

8. "AVTO-OLAM" МЧЖдаги 100% давлат улуши

Манзил: Тошкент шаҳри, Олмазор тумани, Уста Ширин кўчаси, 121-В уй. Бошланғич нархи 26,1 млрд сўм эвазига савдога чиқарилган корхонадаги давлат улуши учун савдо 2022 йилнинг 21 ноябр куни бўлиб ўтади. Давлат улушининг олди-сотди шартномаси баённома расмийлаштирилганидан сўнг, 10 иш кунидан кечиктирмай сотувчи, иштирокчи ва аукцион савдоларининг ғолиб ўртасида тузилади.

Батафсил

9. "MUBORAKTEKS" МЧЖдаги давлат улуши

Қашқадарё вилояти, Муборак тумани, “Кончилар” МФЙ ҳудудида жойлашган давлат Мулки учун 24,7 млрд сўм бошланғич нархда очиқ савдога чиқарилди. Корхонадаги сотувга қўйилган давлат улуши миқдори 100 фоизни ташкил этади.

Батафсил

10. Меҳмонхона биноси

Навоий вилояти, Нурота тумани, “Шаҳристон” МФЙ ҳудудида жойлашган меҳмонхона бино-иншоотлари учун савдо 14 ноябр куни бўлиб ўтади. Бошланғич нархи 18,3 млрд сўм бўлган давлат активи 0,97 гектар ер майдони ҳамда 926,8 кв метр биноларга эга. Ер участкаси ижара ҳуқуқи билан сотилади.

Батафсил

Исталган шахс e-auksion.uz порталидан рўйхатдан ўтган ҳолда очиқ аукцион танловларида иштирок этиши мумкин. Мулкни олдиндан бориб кўриш имкони ҳам мавжуд.

Веб-сайт: e-auksion.uz

Телеграм: t.me/onlineauksionuz

Tel: +998712022111

Реклама ҳуқуқи асосида