"Болалар дам олишларини тизимли ташкил этиш ва соғломлаштириш ишларини янада такомиллаштиришга доир қўшимча чора-тадбирлар тўғрисида"ги президент қарори қабул қилинди.
Ўзбекистон касаба уюшмалари федерацияси тизимида қуйидагилар ташкил этилади: Болалар соғломлаштириш ва аҳоли саломатлигини тиклашга кўмаклашиш жамғармаси; Болалар дам олишини ва соғломлаштирилишини ташкил этиш департаменти.
Жамғарма маблағлари ҳисобидан касаба уюшмалари аъзолари фарзандлари дам олиши ва уларни соғломлаштириш харажатлари бир қисмини қоплаш мақсадида ҳар бир йўлланма учун БҲМ 2 баравари (600 минг сўм), бироқ йўлланма нархи 50 фоизидан ошмаган миқдорда оромгоҳларга компенсация тўланади.
2023 йил 1 январдан:
- маҳаллий бюджетлар даромадлари прогноздан ошириб бажарилган қисми 10 фоизи ҳар чоракда жамғармага йўналтирилади;
- давлат органлари ва ташкилотлари ўз ходимлари фарзандлари учун сотиб олинган оромгоҳлар йўлланмалари нархи 50 фоизигача, аммо ҳар бир йўлланма учун БҲМ 1 бараваридан (300 минг сўмдан) ошмаган қисми иш берувчилар томонидан компенсация қилиб берилиши мумкин.
Болалар дам олишларини тизимли ташкил этиш ва соғломлаштириш масалалари бўйича республика комиссияси ташкил этилади.