Вазирлар Маҳкамасининг “Ёшлар ва хотин-қизларни касб-ҳунар ва тадбиркорликка ўқитиш дастурларини самарали амалга ошириш ҳамда улар тадбиркорлик фаолияти учун микрокредитлар ажратиш чора-тадбирлари тўғрисида”ги қарорига ўзгартириш ва қўшимчалар киритиш тўғрисида”ги қарори лойиҳаси эълон қилинди.
Лойиҳа мақсади аҳолида тадбиркорлик соҳасида зарурий кўникмаларни шакллантиришга қаратилган ўқитиш тизимини такомиллаштириш учун мазкур жараёнга Inno инновацион ўқув-ишлаб чиқариш технопаркини кенг жалб қилишдан иборат.
Лойиҳа қабул қилиниши натижасида аҳолида тадбиркорлик соҳасида зарурий кўникмаларни шакллантиришга қаратилган ўқитиш жараёнига Inno инновацион ўқув-ишлаб чиқариш технопаркини жалб қилиш орқали мазкур ўқитиш тизими сифат жиҳатдан янги босқичга олиб чиқилади.
Билдирилишича, лойиҳа қабул қилиниши норматив-ҳуқуқий ҳужжатларга ўзгартириш ва қўшимчалар киритиш заруриятини келтириб чиқармайди ҳамда давлат бюджетидан қўшимча молиявий харажатлар талаб қилмайди.
