Ўзбекистон Хитойдан 21 минг тонна чой сотиб олди

Ўзбекистонга 2022 йил январь-октябрь ойларида Хитойдан импорт қилинган айрим турдаги озиқ-овқат маҳсулотлари ҳажмида чой биринчи ўринни эгаллади – 21,6 минг тонна.

Давлат статистика қўмитаси маълумотларига кўра, ундан кейинги ўринлардан мос равишда 1,9 минг тонна ҳамда 729 тонна миқдорда сотиб олинган мандарин ва олма жой олди.

Ушбу кўрсаткич қолган озиқ-овқат маҳсулотлари кесимида қуйидагича кўринишга эга:

• маккажўхори – 659 тонна;
• какао ва шоколад – 563 тонна;
• ўсимлик ёғи – 556,5 тонна;
• қандолат маҳсулотлари – 201 тонна;
• қаҳва – 67,5 тонна;
• балиқ ва денгиз маҳсулотлари – 46,5 тонна;
• сут маҳсулотлари – 27,2 тонна.