30 октябр куни Туркий давлатлар ташкилоти (ТДТ) Давлат раҳбарлари кенгаши Ўзбекистон ташқи ишлар вазири ўринбосари Мирвоҳид Азимовни ташкилотнинг янги Бош котиби этиб тайинлади. Котибият тайинлов саммит қарори тасдиқланишига боғлиқ эканини қайд этган.
Котибиятнинг ёзишича, Азимов ташкилот тузилмаси, устувор йўналишлари ва ҳамкорлик механизмларини яхши билади. У 2022 йил ноябридан бери бу лавозимда ишлаб келган қирғизистонлик дипломат Қубаничбек Ўмуралиев ўрнини эгаллайди.
Бундан аввал ТДТ Оқсоқоллар кенгаши раиси, Туркиянинг собиқ бош вазири Бинали Йилдирим Facebook саҳифасида Азимов тайинланиши кутилаётганини ёзганди. Унинг маълум қилишича, ТДТ ташқи ишлар вазирлари кенгаши 29 октябр куни, Туркия Республикаси эълон қилинганининг 103 йиллигида Анқарада йиғилган. Йилдирим Ўмуралиевга фаолияти давомида қўшган ҳиссаси учун миннатдорлик билдирган. Азимовга эса янги лавозимида омад тилаган.
Мирвоҳид Азимов 1980 йилда Тошкентда туғилган. У 2020 йил октябридан қарийб олти йил ТДТ Бош котиби ўринбосари бўлиб ишлаган. 2026 йил май ойида эса Ўзбекистон ташқи ишлар вазири ўринбосари этиб тайинланганди.
