Туғуруқхоналарда фуқаролар қанча пул сарфлашмоқда ва нима учун? Kun.uz шу ҳақда юртдошларимиз орасида сўров ўтказди.
Респондентлар – ёши тахминан 24дан юқори эркаклар. Уларнинг аксарияти фарзандли бўлганида туғуруқхона ходимларига пул беришганини айтишди.
Айримлар хурсандчиликдан, ўз кўнглидан чиқариб суюнчи бергани, баъзилар эса пул беришни шифокор талаб қилганини айтди.
Пул берганини айтган респондентлар тилга олган суммалар ҳар бир ҳамширага 20-30 минг сўмдан бошланиб, бош дояга 200 долларгача оралиқда бўлди.
